പല തരം പ്ലിംഗ് ഉണ്ട്... പക്ഷെ ചോദിച്ചു വാങ്ങിയ പ്ലിംഗ്.... അത് പലപ്പോഴും കുറവായിരിക്കും.... ഇതാ ഒരെണ്ണം......
പിന്നെ... ഇത് എത്രത്തോളം നിങ്ങള്ക്ക് ആസ്വാദനം നല്കും എന്നെനിക്കരിയില്ല... കാരണം, തമാശയില് പ്രഥമസ്ഥാനം സാഹചര്യത്തിനാണല്ലോ...
അപ്പൊ... കഥയിലേക്ക് വരാം....
കോളേജിലെ ഇടവേളസമയം.... (അടുത്ത ക്ലാസ്സുകളിലെ പെണ്കുട്ടികളുമായി കത്തിവയ്ക്കാന് കിട്ടുന്ന സമയം ആണല്ലോ ഇടവേള) ആയത് കൊണ്ടുതന്നെ ഒട്ടുംതന്നെ പാഴാക്കാറില്ല....
ഒരുപാട് കുട്ടികളെ ദിവസവും കാണാറുണ്ടെങ്കിലും എല്ലാവരുടെയും പേര് അറിയില്ലായിരുന്നു. എന്നാലും വിളിപ്പേരും... ചിരിയിലും എല്ലാം ഒപ്പിച്ചു പോയിരുന്നകാലം. ഒരു ദിവസം പതിവ്പരിപാടി നടന്നു കൊണ്ടിരിക്കെ... ക്ലാസിലെ സുന്ദരിയായ കുട്ടി (സ്മിത, അവളുടെ പേര് ഇനി ഞാന് മറക്കില്ല. അവളെ ഒന്ന് സുഖിപ്പിക്കാന് വേണ്ടി ഇപ്പോഴും അവളുടെ ഉച്ചയൂനില്നിന്നും പലതും എടുത്തു... ഉം... നല്ല രുചി എന്നൊക്കെ വിടാറുണ്ട്..) വേറെഒരു കുട്ടിയെ ചൂണ്ടി എന്നോട് ചോദിച്ചു...
"ആ കുട്ടിയുടെ പേരെന്താ? "
ഞാന് നോക്കി... സ്ഥിരം കാണുന്ന ആള് ആണ്. പക്ഷെ പേരറിയില്ല.... ഞാന് ഒട്ടും ചിന്തിക്കാതെ പറഞ്ഞു...
"ആ എനിക്കറിയില്ല.... "
ഉടനെ തന്നെ വന്നു അവളുടെ മറുചോദ്യം.... "താന് അയാളുമായി സ്ഥിരം സംസാരിക്കുന്ന കാണാറുണ്ടല്ലോ..."
അതിനും എന്റെ മറുപടി ഉടന് തന്നെ.... " അതിപ്പോ, അങ്ങിനെ എല്ലാവരുടെയും പേരോര്ത്തിരിക്കാന് പറ്റുമോ?, അതൊക്കെ ഒരു നമ്പറല്ലേ"
(പെണ്ണുങ്ങള് പണ്ടേ സ്മാര്ട്ട് ആണെന്ന് അനുഭവസ്ഥര് പറഞ്ഞിട്ടുണ്ടെങ്കിലും.. എനിക്ക് അനുഭവം എനിക്കില്ലാത്തത് കൊണ്ട് ആ കാര്യം ഞാന് പഠിച്ചിട്ടുണ്ടായിരുന്നില്ല.)
ഉടനെ വന്നു ഇടിത്തീ പോലെ ആ ചോദ്യം... " അപ്പൊ സുനൈസേ....... തനിക്കെന്റെ പേരറിയാമോ?" എന്റെ പേരെടുത്ത് വിളിച്ച്, അവളുടെ പേരറിയാമോ എന്ന് ചോദിച്ചപ്പോ, ആ സത്യം ഞാന് മനസ്സിലാക്കി... അവളുടെ പേരെനിക്കറിയില്ല.... കഴിഞ്ഞ രണ്ടുമൂന്നു മാസമായി സംസാരിക്കുന്ന, അവളുടെ ലഞ്ച്ബോക്സില് കൈയിട്ടുവാരുന്ന എനിക്ക് അവളുടെ പേരും അറിയില്ല.
പിന്നെ... ഞാന് മറുപടിക്കൊന്നും നിന്നില്ല.... രക്തശോഭമായ എന്റെ മുഖം കൂടി അവളില് നിന്നും മറയ്ക്കാനായി തിരിഞ്ഞു നടന്ന എന്നെ പുറകില്നിന്നും തോണ്ടി... അവള് എന്നോട് പറഞ്ഞു.....
"സ്മിത..... അതാ എന്റെ പേര്..... ഇനി മറക്കണ്ട..." വെറുതെയാണെങ്കിലും ഞാന് തിരിഞ്ഞു നോക്കി തലയാട്ടി..... ക്ലാസ്സില് ഞങ്ങള്ക്കും ചുറ്റുമുണ്ടായിരുന്ന ആരെയും എനിക്ക് ആ നട്ടുച്ചയ്ക്കും.... കാണാന് സാധിക്കുന്നുണ്ടായിരുന്നില്ല.....
പ്ലിംഗ് പലതുണ്ടെങ്കിലും ഈ പ്ലിംഗ്..... ഈ ജന്മം മറക്കാന് പറ്റുമോ എന്നെനിക്കറിയില്ല...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ